பாரிய கசிப்பு உற்பத்தி நிலையம் முற்றுகை

சுப்பிரமணியம் பாஸ்கரன்

கிளிநொச்சி, தர்மபுரம் பொலிஸ் பிரிவுக்குட்பட்ட கல்லாறில் உள்ள காட்டுப் பகுதியில் பாரிய கசிப்பு உற்பத்தி நிலையம்  ஒன்றை பொலிஸார், இன்று (15) முற்றுகையிட்டனர்.

தருமபுரம் பொலிஸ் புலனாய்வுப் பிரிவினருக்கு கிடைக்கப்பெற்ற இரகசியத் தகவலையடுத்து முன்னெடுக்கப்பட்ட சுற்றிவளைப்பின் போதே, இந்தக் கசிப்பு உற்பத்தி நிலையம் கண்டுபிடிக்கப்பட்டது.

இதன்போது, 15 பெரல் கோடா, 65 லீட்டர் கசிப்பு மீட்கப்பட்டதுடன், சந்தேகத்தின் பேரில் ஒருவர் கைது செய்யப்பட்டுள்ளார். 

கைது செய்யப்பட்ட சந்தேகநபர், பொலிஸ் விசாரணைகளின் பின்னர், பொலிஸ் பிணையில் விடுவிக்கப்பட்டுள்ளதாக தருமபுரம் பொலிஸ் நிலைய பொறுப்பதிகாரி டி.எம் சதுரங்க தெரிவித்தார்.