மாவட்ட செயலகத்தின் ஏற்பாட்டில் நடமாடும் சேவை

செல்வநாயகம் கபிலன்

யாழ்ப்பாணம் ஒஸ்மானியா கல்லூரியில் இடம்பெற்ற விசேட நடமாடும் சேவையில் வெளிமாவட்டங்களில் வசிக்கும் யாழ். மாவட்ட முஸ்லீம் மக்கள் கலந்துகொண்டனர்.

இச்சேவை யாழ்ப்பாணம், சாவகச்சேரி, வேலணை ஆகிய மூன்று பிரதேச செயலகப் பிரிவுகளையும் உள்ளடக்கியதாக நடைபெறுவதுடன் யாழ். பிரதேச செயலாளர் பொ.தயானந்தன் உடனிருந்து மக்களுக்கு தேவையான சேவைகளை விரைவாக செய்து கொடுக்க நடவடிக்கை மேற்கொண்டுள்ளார்.

இதில் புதிய மீள்குடியேற்றப் பதிவுகள், காணி அற்றோர் காணிகளை கோருவதற்கான பதிவுகள் வீட்டுத்திட்டத்துக்கான பதிவுகள் ஆகியவற்றுடன்  வாழ்வாதார உதவிகளுக்கான பதிவுகள் யாழ் மாநகரசபை அலுவலகத்தின் சோலைவரி மதிப்பீடுகள் மற்றும் வீடமைப்புக்கான அனுமதி தொடர்பிலான பதிவுகளும் இந்நடமாடும் சேவையில் மக்களின் சேவைகளாக அமைந்துள்ளது.