யாழ்ப்பாணத்தில் பாரதியாரின் நினைவு தினக் கொண்டாட்டம்

-டி.விஜிதா, எஸ்.நிதர்ஷன்

யாழ்ப்பாணத்திலுள்ள இந்தியத் துணைத் தூதரகத்தின் ஏற்பாட்டில், மகாகவி சுப்பிரமணிய பாரதியாரின் 96ஆவது நினைவு தின நிகழ்வுகள், யாழ்ப்பாணம் - நல்லூர், அரசடியில் அமைந்துள்ள பாரதியாரின் உருவச்சிலைக்கு முன்னால், இன்று (11) காலை இடம்பெற்றன.

யாழ்ப்பாணத்திலுள்ள இந்திய கொன்சலேட் ஜெனரல் எஸ்.பாலச்சந்திரன் தலைமையில் நடைபெற்ற இந்த நிகழ்வில், வடக்கு மாகாணசபை அவைத் தலைவர் சி.வி.கே.சிவஞானம், யாழ்ப்பாண மாவட்டச் செயலாளர் நாகலிங்கன் வேதநாயகன், வடக்கு மாகாண சபை எதிர்க்கட்சித் தலைவர் சி.தவராசா, வடக்கு மாகாண ஆளுநரின் செயலாளர் இ.இளங்கோவன் உள்ளிட்ட பலரும் கலந்துகொண்டனர்.

இதன்போது, பொதுமக்களுக்கு மரக்கன்றுகள் வழங்கி வைக்கப்பட்டன.