வாள்வெட்டு: இளைஞன் கைது

-எம்.றொசாந்த்

மானிப்பாய் பகுதியில் இடம்பெற்ற வாள்வெட்டுச் சம்பவம் தொடர்பில், சந்தேகத்தின் பேரில், இளைஞன் ஒருவரை, மானிப்பாய் பொலிஸார், நேற்று  (28) மாலை கைதுசெய்துள்ளனர்.

இவ்வாறு கைதுசெய்யப்பட்ட இளைஞனிடம் இருந்து, 2 வாள்கள் கைப்பற்றப்பட்டுள்ளதாக, பொலிஸார் தெரிவித்தனர்.

தெல்லிப்பளை பகுதியைச் சேர்ந்த 23 வயது இளைஞனே, இவ்வாறு கைதுசெய்யப்பட்டவராவார்.

மானிப்பாய் பகுதியில் இடம்பெற்ற வாள்வெட்டுச் சம்பவம் தொடர்பில் விசாரணைகளை முன்னெடுத்த போது, குறித்த சம்பவத்துடன் குறித்த இளைஞனுக்குத் தொடர்பு இருப்பதாக கண்டறியப்பட்டதையடுத்தே, அவரைக் கைதுசெய்ததாக, பொலிஸார் மேலும் கூறினர்.