விபத்தில் சிக்கிய அம்பியூலன்ஸ்

-என். ராஜ்

பருத்தித்துறை - இமையாணன், குஞ்சர்கடைப் பகுதியில், நேற்று (06) அதிகாலை 1.30 மணியளவில், பருத்தித்துறை -  மந்திகை ஆதார வைத்தியசாலைக்குச் சொந்தமான அம்பியூலன்ஸ் ஒன்று விபத்துக்குள்ளானது.

மந்திகை ஆதார வைத்தியசாலையில் இருந்து, நோயாளி  ஒருவரை மேலதிக சிகிச்சைக்காக, யாழ்ப்பாணம் போதனா வைத்தியசாலையில் அனுமதித்து விட்டு, மீண்டும் மந்திகை நோக்கிப் பயணித்த போதே, குறித்த அம்பியூலன்ஸ் வேகக் கட்டுப்பாட்டை இழந்து விபத்துக்குள்ளானது.

இவ்விபத்தில், வீதி  மைல் கல்லும் வீதியருகில் இருந்த  கடை ஒன்றும் சேதமாகியுள்ளன.