'தொழில்நுட்ப பிரச்சினையால் கணக்குகள் இணையத்தில் பதிவேற்றம் செய்யவில்லை'

-எம்.றொசாந்த்

தொழில்நுட்பப் பிரச்சினை காரணமாக வட மாகாண சபையின் அமைச்சுக்களின் கணக்குகள் கடந்த ஒக்டோபர் மாதம் முதல் வடமாகாண சபையின் உத்தியோகபூர்வ இணையத்தளத்தில் பதிவேற்றம் செய்யப்படவில்லையென வட மாகாண சபையின் ஆளுங்கட்சி உறுப்பினர்கள் தெரிவித்தனர்.

நேற்று புதன்கிழமை (30) நடைபெற்ற வட மாகாண சபை அமர்விலேயே இவ்வாறு தெரிவிக்கப்பட்டது.

அமைச்சின் கணக்குகள் ஒவ்வொரு மாதம் முடிவடைந்து, அடுத்த மாதத்தின் 12ஆம் திகதிக்கு முன்னர் பதிவேற்றம் செய்யப்படுவது வழமையாகும்.

ஆனால், ஏன் கடந்த ஒக்டோபர் மாதத்திலிருந்து கணக்குகள் பதிவேற்றம் செய்யப்படவில்லை என எதிர்க்கட்சித் தலைவர் சின்னத்துரை தவராசா கேள்வி எழுப்பினார்.

இந்தக் கேள்விக்கு பதிலளிக்கையிலேயே ஆளுங்கட்சி உறுப்பினர்கள் மேற்கண்டவாறு குறிப்பிட்டனர்.