வலி.கிழக்கில் வீதிகளைப் புனரமைக்க 150 லட்சம்

(ஞானசெந்தூரன்)

மீள்குடியேறியுள்ள மக்களின் உட்கட்டுமானங்களை அபிவிருத்திசெய்யும் வேலைத்திட்டத்தின்கீழ் வடக்கின் வசந்தம் செயற்றிட்டத்தின் கீழ் வலி.கிழக்கு பிரதேச சபைக்கு உட்பட்ட வீதிகளைப் புனரமைப்பதற்கு 150 லட்சம் ரூபா பொருளாதார அமைச்சினால் ஒதுக்கீடு செய்யப்பட்டுள்ளதாக தெரிவிக்கப்பட்டுள்ளது.

வளலாய், இடைக்காடு, பத்தைமேனி ஆகிய பகுதிகளில் உள்ள வீதிகளே புனரமைப்புச் செய்யப்படவுள்ளன. இதற்கான மதிப்பீட்டு வேலைத்திட்டங்களை வலி.கிழக்குப் பிரதேச சபை மேற்கொண்டு வருகின்றது.