யாழ். இந்துக்கல்லூரி ஆசிரியை வல்லுறவுக்கு பின் மரணம்; பிரேத பரிசோதனை அறிக்கை தகவல்

(கவிசுகி)

கடந்த 8ஆம் திகதி வீட்டில் தூக்கில் தொங்கிய நிலையில் மீட்கப்பட்ட யாழ். இந்துக்கல்லூரியின் உடற்கல்வி ஆசிரியை, பாலியல் வல்லுறவுக்கு பின்னரே மூச்சுத்திணறால் மரணமடைந்துள்ளதாக யாழ். போதனா வைத்தியசாலையின் பிரேத பரிசோதனை அறிக்கையில் தெரிவிக்கப்பட்டுள்ளது.

இவரது உடம்பின் பல்வேறு பாகங்களிலும் நகத்தின் கீறல்கள் காணப்படுவதுடன், இவர் பாலியல் வல்லுறவுக்கு உட்படுத்தப்பட்டுள்ளார் என்றும் பிரேத பரிசோதனை மேற்கொண்ட சட்ட வைத்திய அதிகாரி இதனை உறுதிப்படுத்தினார்.

இக்;கொலை சம்பந்தமாக இளவாலை பொலிஸார் விசாரணைகளை துரிதப்படுத்தியுள்ளனர்.

யாழ். சில்லாலையைச் சேர்ந்த செல்வராஜா அனுஷா (வயது 27) என்ற ஆசிரியையே தூக்கில் தொங்கிய நிலையில் சடலமாக மீட்கப்பட்டிருந்தார்.