மாதகலில் கரையொதுங்கிய ஆணின் சடலம்

(கவிசுகி)

யாழ். மாதகல் கடற்கரையில் கரையொதுங்கிய ஆணொருவரின் சடலம் பொலிஸாரால் மீட்கப்பட்டு யாழ். வைத்தியசாலையில் ஒப்படைக்கப்பட்டுள்ளது.

மாதகல் கடற்கரையில் உருக்குலைந்த நிலையில் ஆணொருவரின் சடலம் நேற்று திங்கட்கிழமை இரவு  கரையொதுங்கியுள்ளதாக அப்பகுதி மீனவர்கள் வழங்கிய தகவலையடுத்து மேற்படி சடலம் மீட்கப்பட்டதாக இளவாலைப் பொலிஸார் தெரிவித்தனர்.

மேற்படி சடலம் அடையாளம் காணமுடியாதவாறு உருக்குலைந்து காணப்படுகிறது. மூன்று அல்லது ஐந்து நாள்களுக்கு முன்னர் இறந்திருக்க வேண்டுமெனவும் பொலிஸார் தெரிவித்தனர்.

மேற்படி சடலம் இந்திய மீனவருடையதாக இருக்கலாமென்று பொலிஸார் சந்தேகம் வெளியிட்டுள்ளனர்.