பலகாடுப்பகுதியில் கடற்படையினரால் பெறப்பட்ட காணிகளுக்கு நஷ்டஈடு

(கவிசுகி)

யாழ். காரைநகர் பலகாடுப்பகுதியில் கடற்படையினரால் பெறப்பட்ட காணிகளின் உரிமையாளர்களுக்கு 57.258 மில்லியன் ரூபா நஷ்டஈடு வழங்கவுள்ளதாக காணி மற்றும் காணி அபிவிருத்தி அமைச்சின் செயலாளர் அசோக் பீரிஸ் தெரிவித்துள்ளார்.

யாழ். மாவட்ட அரச செயலகத்தில் காணிப்பயன்பாடு திட்டமிடல் அலுவலகத் திறப்பு விழாவில் கலந்து கொண்டு உரையாற்றுகையிலேயே அவர் இதனைக் கூறினார்.

1984 ஆண்டு முதல் யாழ.; காரைநகர் பலகாடுப்;பகுதியில் கடற்படையினரால் பெறப்பட்ட 1,230 சதுரப்பரப்பளவு நிலப்பகுதியிலுள்ள 132 குடும்பங்களின் காணிகளுக்கு 57.258 மில்லியன் ரூபா  நஷ்டஈடு எதிர்வரும் வாரம் யாழ். அரசாங்க அதிபரூடாக வழங்கப்படவுள்ளதாகவும் அவர் தெரிவித்துள்ளார். கடற்படையினர் அப்பகுதியிலிருக்கும் காலம் வரைக்கும் காணி உரிமையாளர்களுக்கு நஷ்டஈடு வழங்கவுள்ளதாகவும் அசோக் பீரிஸ் குறிப்பிட்டார்.