சிகிச்சைக்கு அனுமதிக்கப்பட்ட கைதி தப்பியோட்டம்

(கவிசுகி, தாஸ்)

யாழ். போதனா வைத்தியசாலையில் சிகிச்சைக்காக அனுமதிக்கப்பட்ட கைதி இன்று வியாழக்கிழமை காலை தப்பியோடியுள்ளதாக யாழ். சிறைச்சாலை வட்டாரங்கள் தெரிவித்துள்ளன.

பயங்கரவாத தடைச்சட்டத்தின் கீழ் நான்கு வருடமாக கொழும்பு மகசின் சிறைச்சாலையில் தடுத்து வைக்கப்பட்டிருந்த நிலையில் யாழ் சிறைச்சாலைக்கு மாற்றப்பட்ட 35 வயது மதிக்கத்தக்க கைதி ஒருவரே இவ்வாற தப்பியோடியுள்ளார்.

இவர் இன்றைய தினம் வயிற்றுவலி காரணமாக யாழ்.போதனா வைத்தியசாலையில் அனுமதிக்கப்பட்டிருந்தார்.

சிறைக்காவலர்களின் கண்காணிப்பில் இருந்து வந்த இவர் திடீரென யாழ். போதனா வைத்தியசாலையின் பின் மதிலில் ஏறிப்பாய்ந்து தப்பிச் சென்றுள்ளதாக யாழ். சிறைச்சாலை வட்டாரங்கள் மேலும் தெரிவித்துள்ளன.