வாகன விபத்தில் முதியவர் பலி: சடலத்தை பொறுப்பேற்க பொலிஸார் கோரிக்கை

(தாஸ்,கிரிசன்)

திருநெல்வேலியில் இடம்பெற்ற வாகன விபத்தில் பலியான முதியவரின் சடலத்தை உறவினர்கள் எவராவது பொறுப்பேற்றுக்கொள்ளுமாறு கோப்பாய் பொலிஸார் கேட்டுக்கொண்டுள்ளனர்.

திருநெல்வேலி நகரப் பகுதியில் நேற்றுமுன்தினம் வெள்ளிக்கிழமை நள்ளிரவு 12 மணியளவில் ரோந்து நடவடிக்கையில் ஈடுபட்டிருந்த கோப்பாய்ப் பொலிஸார், முதியவரொருவரின்  சடலத்தை மீட்டு யாழ். போதனா வைத்தியசாலையில் ஒப்படைத்தனர்.

குறித்த முதியவர் புத்தி சுவாதீனமற்ற நிலையில் நடமாடியதாகவும் இவரை நள்ளிரவில் சென்ற வாகனமொன்று மோதியதால் பலியானதாகவும்  கோப்பாய்ப் பொலிஸார் தெரிவித்தனர். சுமார் 70 வயது மதிக்கத்தக்க காந்தமுத்து நடராசா என்ற முதியவரே இந்த விபத்தில் பலியானதாக பொலிஸார் கூறினர்.