படையினரின் அனுமதிக்காக காத்திருக்கும் ஊரணி பிரதேச மீள்குடியேற்றம்

(கவிசுகி)

யாழ். ஊரணி பிரதேசத்திலிருந்து இடம்பெயர்ந்தவர்களை மீள்குடியேற்றம் செய்வதற்கு அனுமதிக்குமாறு யாழ். படைகளின் கட்டளை தளபதி மகிந்த ஹத்துருசிங்காவிடம் கோரியுள்ளதாக யாழ். மாவட்ட அரசாங்க அதிபர் இமல்டா சுகுமார் தெரிவித்தார்.

யாழ். மாவட்ட செயலகத்தில் இன்று செவ்வாய்கிழமை நடைபெற்ற ஊடகவியலாளர் சந்திப்பிலேயே அவர் மேற்கண்டவாறு குறிப்பிட்டார்.

யாழ். படைகளின் கட்டளை தளபதியின் அனுமதிக்காக காத்துக்கொண்டிருப்பதாகவும் மக்களை மீளக்குடியேற்றி அவர்களின் எதிர்கால வாழ்வுக்கு தன்னாலான உதவிகளை செய்யவுள்ளதாகவும் அவர் மேலும் தெரிவித்தார்.