யாழ்.மாணவர்களுக்கு ஹெரோயின் விற்ற சந்தேக நபர்கள் இருவர் கைது

(கவிசுகி)

யாழ்.பாடசாலை மாணவர்களுக்கு ஹெரோயின் போதைப் பொருட்களை விற்பனை செய்த கும்பலைச் சேர்ந்த இரண்டு சந்தேக நபர்கள் இன்று ஞாயிற்றுக்கிழமை கைது செய்துள்ளதாக யாழ்.பொலிஸார் தெரிவித்துள்ளனர்.

ஹெரோயின் போதைப் பொருட்களை மாணவர்களுக்கு விற்பனை செய்தார் என்ற சந்தேகத்தில் பேரில் நபர் ஒருவர் நேற்று சனிக்கிழமை இரவு கைது செய்யப்பட்டடுள்ளதாகவும் அவரிடம் மேற்கொண்ட விசாரணைகளை தொடர்ந்தே மேற்படி இருவரும் இன்று கைது செய்யப்பட்டுள்ளதாகவும் யாழ். பொலிஸார் தெரிவித்தனர்.

யாழில். கைது செய்யப்பட்டவர்களிடம் தொடர் விசாரனை நடைபெற்று வருவதாகவும் இவர்களை நாளை திங்கட்கிழமை யாழ்.நீதி மன்றில் ஆஜர்படுத்தப்படுவுள்ளதாகவும் யாழ்.மாவட்ட பொலிஸ் நிலைய பொறுப்பதிகாரி சமன் சிகேரா தெரிவித்துள்ளார்.

இதேவேளை, போதைப் பொருள் விற்பனை தொடர்பாக தொடர்தேடுதல் நடவடிக்கை இடம்பெற்றுவருவதாகவும் இதனுடன் தொடர்புடைய முக்கிய நபர் கொழும்பில் தலை மறைவாக இருப்பதாகவும் பொலிஸார் தெரிவித்துள்ளனர்.

யாழ்.மாவட்டத்தில் மாணவர்களுக்கு போதைப் பொருள் விற்பனை செய்யும் கும்பல் இருவாரத்தில் முழுமையாக கைது செய்யப்பட்டு விடுவார்கள் எனவும் யாழ்.பொலிஸார் தெரிவித்துள்ளனர்.