மாணவன் காணாமல் போனதாக பொலிஸில் முறைப்பாடு

(கவிசுகி)

யாழ்ப்பாணத்தில் பிரபல வர்த்தகரொருவரின் மகன் காணாமல் போனதாக இன்று வியாழக்கிழமை முறைப்பாடு செய்யப்பட்டுள்ளதாக யாழ்.பொலிஸ் நிலைய தலைமைப் பொறுப்பதிகாரி சமன் சிகேரா தெரிவித்துள்ளார்.

க.பொ.த. உயர்தர வகுப்பு மாணவனான பாக்கியராஜா தனுஷன் (வயது 18) என்ற மாணவனே  நேற்றிலிருந்து காணாமல் போயுள்ளதாகவும் இது தொடர்பில் குறித்த மாணவனின் பெற்றோர் முறைப்பாடு செய்துள்ளதாகவும் அவர் கூறினார்.

யாழ். நகரப் பகுதியிலுள்ள கடையிலிருந்து வீடு செல்லும்போது இவர் காணாமல் போயுள்ளதாகவும்  இவரைக் கண்டுபிடித்துத் தருமாறும் முறைப்பாட்டில் கோரப்பட்டுள்ளதாகவும் யாழ். பொலிஸ் நிலைய தலைமை பொறுப்பதிகாரி தெரிவித்துள்ளார்.