மதுபோதையில் இடையூறு விளைவித்த ஐவருக்கு அபராதம்

(கவிசுகி)

மதுபோதையில் பொதுமக்களுக்கு இடையூறு விளைவித்த 5 பேருக்கு அபராதம் விதித்து யாழ். நீதிமன்ற நீதிவான் மா.கணேசராச தீர்ப்பளித்தார்.

யாழ்ப்பாண நகரப் பகுதியில் மதுபோதையில் பொதுமக்களுக்கு இடையூறு விளைவித்த குற்றச்சாட்டில் 5 பேர்  யாழ். பொலிஸாரினால் நேற்று செவ்வாய்க்கிழமை கைதுசெய்யப்பட்டு நீதிமன்றத்தில் ஆஜர்படுத்தப்பட்டனர்.

இதன்போது இந்த 5 பேரும் தங்களது குற்றத்தை ஒப்புக்கொண்ட நிலையில், தலா ஒவ்வொருவருக்கும்  3000 ரூபா அபராதம் விதித்து நீதிவான் தீர்ப்பளித்தார்.