பயிற்சியில் மயங்கிய இராணுவ வீரர் மரணம்

-செல்வநாயகம் கபிலன்

வல்வெட்டித்துறை சமரபாகு இராணுவ முகாமைச் சேர்ந்த இராணுவ வீரர் ஒருவர் பயிற்சியின் போது மயங்கி வீழ்ந்து, செவ்வாய்க்கிழமை (31) உயிரிழந்ததாக பலாலி இராணுவ தலைமையக தகவல்கள் தெரிவிக்கின்றன.

19ஆவது சிங்க றெஜிமெண்ட் படைப்பிரிவிலுள்ள, குருநாகலைச் சேர்ந்த பிரச்சன்ன ஜயவத்த (வயது 23) என்ற இராணுவ வீரரே இவ்வாறு உயிரிழந்துள்ளார்.

முகாமில் செவ்வாய்க்கிழமை இடம்பெற்ற பயிற்சிகளில் ஈடுபட்டவர் மயங்கி விழுந்துள்ளார். அவரை வைத்தியசாலைக்கு எடுத்துச் செல்லும்போது உயிரிழந்துள்ளார். அவரது சடலம் பருத்தித்துறை ஆதார வைத்தியசாலையில் வைக்கப்பட்டுள்ளது.