புலிகள் பயன்படுத்திய வெடிபொருட்கள் மீட்பு

-செல்வநாயகம் கபிலன்

யாழ்ப்பாணம், புத்தூர், நிலாவரை பகுதியில் அமைந்துள்ள இராணுவ முகாம் பகுதிக்குள் இருந்து விடுதலைப் புலிகள் பயன்படுத்திய வெடிபொருட்கள் புதன்கிழமை (10) மீட்கப்பட்டுள்ளதாக அச்சுவேலி பொலிஸார் தெரிவித்தனர்.

81 மில்லிமீற்றர் எறிகணை குண்டு ஒன்றும், 60 மில்லிமீற்றர் எறிகணைக்குண்டு ஒன்றும் ஆரூள் வெடிகுண்டுகள் சிலவும் இவ்வாறு மீட்கப்பட்டுள்ளன.

இராணுவ முகாம் பகுதியை இராணுவத்தினர் செவ்வாய்க்கிழமை (09) துப்பரவு செய்யும் பணியில் ஈடுபட்டிருந்த போது, இந்த குண்டுகள் கண்டுபிடிக்கப்பட்டு, இராணுவத்தினரின் குண்டு செயலிழக்கும் பிரிவுக்கு அறிவிக்கப்பட்டு, அவர்களின் உதவியுடன் மீட்கப்பட்டதாக பொலிஸார் கூறினர்.