ஆசிரிய கலாசாலையில் கல்விக் கண்காட்சி நாளை

-எஸ்.குகன்

கோப்பாய் ஆசிரிய கலாசாலை ஆசிரிய பயிலுநர்களின் கல்விக்கண்காட்சி, நானை வெள்ளிக்கிழமை (19) ஆசிரியர் கலாசாலை ரதிலட்சுமி மண்டபத்தில் நடைபெறவுள்ளது.

கலாசாலை அதிபர் வீ.கருணலிங்கம் தலைமையில் இடம்பெறவுள்ள இந்நிகழ்வில், கோப்பாய் மகா வித்தியாலய அதிபர் த.ஞானப்பிரகாசம் பிரதம விருந்தினராகக் கலந்துகொண்டு கண்காட்சியை ஆரம்பித்து வைக்கவுள்ளார்.

கற்றல் வளங்களை ஆசிரிய பயிலுநர்களுக்கு அடையாளப்படுத்தும் நோக்குடன் இடம்பெறவுள்ள இக்கண்காட்சியில் ஆரம்பக்கல்வி மற்றும் இடைநிலைக் கல்வி மாணவர்களுக்கான கற்பித்தல் உபகரணங்கள் காட்சிப்படுத்தப்படவுள்ளன.