கத்தி முனையில் நகைகள், பணம் கொள்ளை

-நா.நவரத்தினராசா

சுன்னாகம் அந்தோனியார் ஆலயத்துக்கு அருகிலுள்ள வீடொன்றுக்குள் புதன்கிழமை (17) இரவு நுழைந்த இருவர் வீட்டிலிருந்தவர்களை கத்தி முனையில் வெருட்டி சுமார் 1 மில்லியன் ரூபாய் பெறுமதியுடைய நகை மற்றும் பணத்தை கொள்ளையடித்துச் சென்றுள்ளதாக சுன்னாகம் பொலிஸார் தெரிவித்தனர்.

ஓய்வுபெற்ற அதிபர் ஒருவரின் வீட்டின் ஓட்டை பிரித்து உள்நுழைந்து இந்தக் கொள்ளைச் சம்பவம் இடம்பெற்றுள்ளது. வீட்டு உரிமையாளர் செய்த முறைப்பாட்டின் பிரகாரம் விசாரணைகளை முன்னெடுத்து வருவதாக பொலிஸார் கூறினர்.