17 வயது சிறுவனை காணவில்லையென முறைப்பாடு

-  செல்வநாயகம் கபிலன்

யாழ்.மல்லாகம் காளி கோவில் வீதியைச் சேர்ந்த இராஜேந்திரன் கினிஸ் என்ற 17 வயதுடைய சிறுவனை கடந்த 26ஆம் திகதி முதல் காணவில்லையென முறைப்பாடு பதிவு செய்யப்பட்டுள்ளதாக தெல்லிப்பழை பொலிஸார் கூறினர்.

கடைக்குச் சென்று வருவதாக கூறிச் சென்ற மேற்படி சிறுவன், இதுவரையில் வீடு திரும்பவில்லையென குறித்த முறைப்பாட்டில் குறிப்பிடப்பட்டுள்ளது.

முறைப்பாட்டின் பிரகாரம் தெல்லிப்பழை பொலிஸார் விசாரணைகளை மேற்கொண்டு வருவதாக தெரிவித்தனர்.