கற்பிட்டி பிரதேச சபையால் வாகனங்களுக்கு தொற்று நீக்கி

ரஸீன் ரஸ்மின்

கொரொனா வைரஸ் தொற்று பரவுவதை கட்டுப்படுத்தும் நோக்கில், பாலாவி - கற்பிட்டி வீதியில் பயணிக்கின்ற அனைத்து வாகனங்களுக்கும் கொரோனா தொற்று நீக்கி தெளிக்கும் பணிகள் முன்னெடுக்கப்பட்டு வருகின்றன.

பொலிஸாரின் ஒத்துழைப்பில் கற்பிட்டி பிரதேச சபை இந்த நடவடிக்கைகளை முன்னெடுத்து வருகின்றது.

பாலாவி - கற்பிட்டி பிரதான வீதியின் கரம்பை பகுதியில் கற்பிட்டி பகுதியை நோக்கி உள்நுழையும் அனைத்து வாகனங்களுக்கும், இவ்வாறு கொரோனா தொற்று நீக்கி மருந்து விசிறும் பணிகள் முன்னெடுக்கப்பட்டுகின்றன. 

கொரோனா தொற்றிலிருந்து முழுமையாக பாதுகாப்பைபெற முன்னெடுக்கப்படும் இந்த நடவடிக்கைகளுக்கு,  பாலாவி - கற்பிட்டி பிரதான வீதியூடாக பயணிக்கும் அனைத்து வாகன சாரதிகளும், பயணிகளும்  முழுமையான ஒத்துழைப்பை வழங்குமாறு, கற்பிட்டி பிரதேச சபைத் தலைவர் ஏ.எம்.இன்பாஸ் கோரிக்கை விடுத்துள்ளார்.