டெங்கு ஒழிப்பு திட்டத்தில் இளைஞர் படை அணியினர் இணைப்பு

(எம்.சீ.சபூர்தீன்)

அநுராதபுரம் மாவட்டத்தில் நடைமுறைப்படுத்தப்பட்டு வரும் டெங்கு ஒழிப்பு  திட்டத்தில் இளைஞர் படை அணியினரை சேர்த்துக் கொள்ள விரிவான ஏற்பாடுகள் செய்யப்பட்டள்ளதாக அநுராதபுரம் இளைஞர் படையணியின் நிலைய  பொறுப்பதிகாரி வீ.ஏ.தர்மரத்ன தெரிவித்தார்.

டெங்கு பரவும் இடங்களை அடையாளம் கண்டு குறித்த விடங்களில் டெங்கு ஒழிப்பு நடவடிக்கையை மேற்கொள்ள இளைஞர் படையணியின் இளைஞர் யுவதிகள்  ஈடுபடுத்தப்படவுள்ளனர்.

அநுராதபுரம் மாவட்டத்தில் செயற்படுத்தப்படவுள்ள டெங்கு ஒழிப்பு வேலைத்திட்டத்தில் அநுராதபுரம், கலாவௌ (புல்நேவ), கெக்கிராவ, அரலகங்வில ஆகிய இளைஞர் படையணியின் உறுப்பினர்கள் இணைத்துக்கொள்ளப்படவுள்ளனர்.

இச்செயற்திட்டத்திற்காக 2,250 இளைஞர் யுவதிகள் இணைத்துக் கொள்ளப்படவுள்ளனமை குறிப்பிடத்தக்கது