தலவில தேவாலய திருவிழாவை முன்னிட்டு விசேட போக்குவரத்து சேவை

-ஹிரான் பிரியங்கர 

புத்தளம் மாவட்டத்தில் கிறிஸ்தவர்களின் வழிபாட்டுத் தலங்களில் ஒன்றான தலவில புனித அன்னம்மாள் தேவாலயத்தின் திருவிழாக்காலத்தை முன்னிட்டு தலவில செல்லும் பொதுமக்களுக்காக விசேட புகையிரத சேவையை ஏற்படுத்திக் கொடுத்திருப்பதாக புகையிரத சேவைகள் திணைக்களம் தெரிவித்துள்ளது.

தலவில புனித அன்னம்மாள் தேவாலயத்தின் வருடாந்த திருவிழாவின் போது, ஒவ்வொரு வருடமும் நாடளாவிய ரீதியில் கிறிஸ்தவர்கள் தலவில நோக்கிப் பயணிப்பது வழமையாகும். எனினும், இம்முறை பாடசாலை விடுமுறைக்காலம் என்பதால் பொருமளவிலான பக்தர்கள் தலவில நோக்கி வருவார்கள் என எதிர்பார்க்கப்படுகின்றது.  

இதன்பொருட்டு, கொழும்பிலிருந்து பாலாவி வரையில் விசேட புகையிரத சேவை ஆரம்பிக்கப்பட்டுள்ளதுடன், பாலாவியில் இருந்து தலவில நோக்கி பயணிப்பதற்கு இலங்கை போக்குவரத்து சபையினால் விசேட பஸ் சேவையும் ஏற்படுத்திக் கொடுக்கப்பட்டுள்ளது.