'மஹிந்தவுக்கும் அவரது குடும்பத்தாருக்கும் எதிராக 7,000 முறைப்பாடுகள் உள்ளன'

-எம்.என்.எம். ஹிஜாஸ்

முன்னாள் ஜனாதிபதி மஹிந்த ராஜபக்ஷவுக்கும் அவரது குடும்பத்தாருக்கும் எதிராக அரசாங்கத்துக்கு 7,000 முறைப்பாடுகள் கிடைக்கப்பெற்றுள்ளது. அவற்றின் விசாரனைகளினை இடைநிறுத்தவே மஹிந்த எம்.பி யாக வர முயற்சிக்கின்றார் என மத்திய மாகாண சபை உறுப்பினர் அசாத் சாலி தெரிவித்தார்.

புத்தளம் நகரில் ஐக்கிய தேசிய கட்சியில் போட்டியிடும் முஸ்லிம் வேட்பாளர்களினை ஆதரித்து புதன்கிழமை(12) நடைபெற்ற தேர்தல் பிரசாரக் கூட்டத்தின் போதே அவர் மேற்கண்டவாறு தெரிவித்தார்.

ஒய்வு பெற்ற பாடசாலை அதிபர் ஒருவர் தற்காலிக ஊழியராக பாடசாலைக்கு மீண்டும் வருவது போல முன்னாள் ஜனாதிபதி மஹிந்த, நாடாளுமன்ற உறுப்பினராக வர முயற்சிப்பதாகவும் அவர் தெரிவித்தார்.