ரதுபஸ்வல டிப்ட் புரொடக்ட்ஸ் தொழிற்சாலை மூடப்பட்டுள்ளதனால் பாரிய நஷ்டம்

கடந்த மூன்று மாத காலமாக மூடப்பட்டுள்ள ரதுபஸ்வல டிப்ட் புரொடக்ட்ஸ் தொழிற்சாலையின் செயற்பாடுகள் முடங்கிக் கிடப்பதன் காரணமாக ஹேலீஸ் குழுமத்துக்கு 900 மில்லியன் ரூபா வரை புரள்வு பெறுமதியில் நட்டம் ஏற்பட்டுள்ளதாகவும், 180 மில்லியன் ரூபா வரை நட்டம் ஏற்பட்டுள்ளதாகவும் கம்பனி அறிவித்துள்ளது.

 

குறித்த பிரதேசத்தில் நிலவும் குடிநீர் பிரச்சினைக்கு பவுசர்கள் மூலம் குடிநீர் விநியோகிப்பதற்கான நடவடிக்கைகளையும், தொழிற்சாலையிலிருந்து வெளியேறும் கழிவுகளை வடிகட்டிய செயன்முறைக்கு உட்படுத்திய பின்னர் விடுவிப்பதற்கான நடவடிக்கைகள் மேற்கொள்ள தாம் முன்வந்திருந்த போதிலும், தொழிற்சாலையின் செயற்பாடுகளை மீள ஆரம்பிப்பதற்கான அனுமதியை தமக்கு வழங்குவதற்கு குறித்த அதிகாரிகள் முன்வரவில்லை என நிறுவனம் தெரிவித்துள்ளது.