வாழ்க்கைச் செலவு அதிகரிப்பு மக்களுக்கு சுமை: ரிஎன்எஸ் லங்கா எல்எம்டி கருத்துக்கணிப்பு

நாடு முழுவதும் முன்னெடுக்கப்பட்ட கருத்துக் கணிப்பொன்றில், அதிகரித்துச் செல்லும் வாழ்க்கைச் செலவு தொடர்பில் மக்கள் அதிகளவு கவனம் செலுத்தியுள்ளதாகவும், தமக்கு பெரிதும் சுமையாக இது அமைந்துள்ளதாகவும் கருத்து தெரிவித்துள்ளனர். 

 

ரிஎன்எஸ் லங்கா மற்றும் எல்எம்டி ஆகியன இணைந்து நாடு முழுவதும் முன்னெடுத்திருந்த இந்த ஆய்வின் மூலம் இந்த கருத்து வெளிப்பட்டுள்ளது. 88 வீதமான மக்கள் வாழ்க்கைச் செலவு கட்டுக்கடங்காமல் அதிகரித்துச் செல்வதாக கருத்து வெளியிட்டிருந்த அதேவேளை, 70 வீதமானவர்கள், வாழ்க்கைச் செலவு அதிகரிப்புக்கு ஏற்ப சம்பள அதிகரிப்பு வழங்கப்படுவதில்லை எனும் கருத்தையும் முன்வைத்திருந்தனர். 

 

கருத்துக்கணிப்புக்கு உட்படுத்தப்பட்ட 10 பேருக்கு 8 பேர் எனும் விகிதத்தில் தற்போது நடைமுறையில் உள்ள மின்சார கட்டணம் அறவிடும் முறை என்பது ஏற்புடையதாக இல்லை என கருத்து தெரிவித்திருந்தனர்.