BIC மற்றும் DENTA க்கு ‘தங்கவிருது’

E. B. Creasy & Co. PLC நிறுவனத்தின் BIC மற்றும் DENTA தொழிற்சாலைகள், ‘2024 தேசிய பசுமை உற்பத்தித்திறன் விருதுகள்’ (National Green Productivity Awards) வழங்கும் நிகழ்வில் உயரிய விருதான ‘தங்க விருதை’ (Gold Award) சுவீகரித்துள்ளன.

இவ்விருது வழங்கும் நிகழ்வு அண்மையில் கொழும்பு தாஜ் சமுத்ரா ஹோட்டலில் நடைபெற்றது. தர மேம்பாடு மற்றும் உற்பத்தித்திறன் முன்னேற்றத்திற்கான இலங்கைச் சங்கம் (SLAAQP) இந்த விருதுகளை வழங்கிக் கௌரவித்தது.

அங்கீகாரத்திற்கான காரணங்கள்: நிலைபேறாண்மை, சூழலுக்கு நட்பான உற்பத்திச் செயன்முறைகள் மற்றும் தொடர்ச்சியான செயல்பாட்டு மேம்படுத்தல்கள் போன்றவற்றில் E. B. Creasy & Co. PLC நிறுவனம் கொண்டுள்ள உறுதியான அர்ப்பணிப்பை அங்கீகரிக்கும் வகையில் இந்த விருது வழங்கப்பட்டுள்ளது.

தேசிய அபிவிருத்திக்கு அர்த்தமுள்ள பங்களிப்புகளை வழங்கும் நிறுவனங்களை முன்னிலைப்படுத்தும் நோக்கில் இந்த விருதுகள் வழங்கப்படுகின்றன. இயற்கை வளங்களைப் பாதுகாப்பதில் இந்நிறுவனம் காண்பிக்கும் முன்மாதிரியான முயற்சிகளையும், உற்பத்திச் சிறப்பில் கொண்டுள்ள உயர்ந்த தரங்களையும் இந்த விருது மீளவும் பறைசாற்றியுள்ளது.