இலஞ்சம் பெற்ற உத்தியோகத்தர் சிக்கினார்

-சுப்பிரமணியம் பாஸ்கரன்

பாதிக்கப்பட்ட குடும்பம் ஒன்றுக்கு, பிரதேச செயலகத்தால் வழங்கப்பட்ட உதவிக்கு, இலஞ்சம் பெற்ற பிரதேச செயலக உத்தியோகத்தர் ஒருவர், இலஞ்ச ஊழல் ஒழிப்பு ஆணைக்குழுவினால் கையும் மெய்யுமாக பிடிப்பட்டச் சம்பவமொன்று, கிளிநொச்சி – பூநகரிப் பகுதியில், நேற்று  (14) இடம்பெற்றுள்ளது.

இது தொடர்பில் பிரதேச செயலாளர் கிருஷ்னேந்திரனிடம் ​தொடர்பு கொண்டு வினவியபோது, அதற்கு பதிலளித்த அவர், மேற்படி சம்பவம் உண்மையென்றும் தெரிவித்தார்.

இது தொடர்பில் விசாரணை மேற்கொண்டு, தமக்கு அறிக்கையொன்றை அனுப்பி வைப்பதாக, இலஞ்ச ஊழல் ஒழிப்பு ஆணைக்குழுவின் அதிகாரிகள் தெரிவித்ததாகவும், அவர் கூறினார்.