இளம் குடும்பஸ்தர் சடலமாக மீட்பு

-செ.கீதாஞ்சன்

முல்லைத்தீவு - ஆறுமுகத்தான்குளம் கிராமத்தில், இன்று (24) காலை, இளம் குடும்பஸ்தர் ஒருவரின் சடலம் மீட்கப்பட்டுள்ளது.

ஆறுமுகத்தான்குளம் கிராமத்தைச் சேர்ந்த 26 வயதுடைய குடும்பஸ்தரே, இவ்வாறு வெற்று காணியில் உள்ள வேப்ப மரத்தில் தூக்கில் தொங்கிய நிலையில் சடலமாக மீட்கப்பட்டுள்ளார்.

குடும்பத்தில் ஏற்பட்ட தகராறு காரணமாக, இவர் தற்கொலை செய்திருக்கலாமென, முல்லைத்தீவு பொலிஸார் சந்தேகம் வெளியிட்டுள்ளனர்.