உழவு இயந்திரம் குடைசாய்ந்து விபத்து இருவர் படுகாயம்

-செ.கீதாஞ்சன்

முல்லைத்தீவு – வற்றாப்பளை, கேப்பாபுலவு வீதியில், நேற்று (08) இரவு, உழவு இந்திரமொன்று குடைசாய்ந்து விபத்துக்குள்ளானதில், அதில் பயணித்த இருவர் படுகாயமடைந்துள்ளார்கள்.

மாமூலை முள்ளியவளையைச் சேர்ந்த க.ஜெயராசாசிங்கம் (வயது 55), பி.அகிலன் (வயது 25) ஆகியோரே, இவ்வாறு படுகாயமடைந்துள்ளனர்.

படுகாயமடைந்த இருவரும், முல்லைத்தீவு மாவட்ட வைத்தியசாலையில் அனுமதிக்கப்பட்டு, பின்னர் மேலதிக சிகிச்சைகளுக்காக யாழ்ப்பாணம் பொது வைத்தியசாலைக்கு மாற்றப்பட்டனர்.