கரைதுறைப்பற்றில் பலருக்கு கொரோனா

-செ.கீதாஞ்சன்

முல்லைத்தீவு - புதுக்குடியிருப்பு பிரதேச செயலக  உத்தியோகத்தர்களுக்கு கொரோனா தொற்று உறுதிப்படுத்தப்பட்டுள்ளதை தொடர்ந்து, கரைதுறைப்பற்று பிரதேச செயலகத்தில் பணியாற்றும் பலருக்கு கொரோனா தொற்று உறுதிப்படுத்தப்பட்டுள்ளது.

கரைதுறைப்பற்று காணிப் பிரிவில் பணியாற்றுபவர்களுக்கே, இவ்வாறு கொரோனா தொற்று உறுதிப்படுத்தப்பட்டுள்ளது.

யாழ்ப்பாணத்துடன் தொடர்புடைய பணியாளர் வந்து சென்ற காரணத்தால், தொற்று பரவலடைந்துள்ளது.

முதற்கட்ட அன்டிஜன் பரிசோதனையின் போது எட்டுப் பேருக்கு தொற்று இருப்பது, நேற்று  (27) உறுதிப்படுத்தப்பட்டுள்ளதை தொடர்ந்து, பிரதேச செயலக உத்தியோகத்தர்கள் அனைவருக்கும் அன்டிஜன் மற்றும் பி.சி.ஆர் பரிசோதனைகள் மேற்கொள்ளும் நடவடிக்கை முன்னெடுக்கப்பட்டுள்ளது.