‘தொடர்ந்து நீர் வழங்கப்படும்’

-நடராசா கிருஸ்ணகுமார்

கிளிநொச்சி – கண்ணகைபுரத்தில் மேற்கொள்ளப்படும் மேட்டுப் பயிர்ச் செய்கைக்கு, தொடர்ச்சியாக நீர் வழங்குவது என அதிகாரிகள் தீர்மானித்துள்ளதாக, கண்ணகைபுரம் விவசாயிகள் தெரிவித்தனர்.

சனி, ஞாயிற்றுக்கிழமைகளில், அக்கராயன் குளத்தின் நீர், கண்ணகைபுரம் கிராமத்தின் மேட்டுப் பயிர்ச் செய்கைக்கு வழங்கப்படுவதில்லை என, நீர்ப்பாசன அதிகாரிகளிடம் அப்பகுதி விவசாயிகளினால் முறைப்பாடு செய்யப்பட்டிருந்தது.

இந்நிலையில், செவ்வாய்க்கிழமை (20) நீர்ப்பாசன அதிகாரிகளும் கண்ணகைபுரம் விவசாயிகளும் கலந்துரையாடியதன் அடிப்படையில், தொடர்ச்சியாக நீர் வழங்குவது என தீர்மானிக்கப்பட்டது.