புதைகுழி அகழ்வு பணி மீண்டும் ஆரம்பம்

மன்னார் மனித புதைகுழி அகழ்வு பணி மீண்டும் இன்று திங்கட்கிழமை(17) காலை சட்டவைத்திய அதிகாரி சமிந்த ராஜபக்ஸ தலைமையில் இடம்பெற்றது.

மன்னார் மனித புதைகுழியின் அகழ்வு பணிகள் கடந்த வியாழக்கிழமை (13) முதல் இடைநிறுத்தப்பட்டிருந்தது.

அகழ்வு பணிக்கு பொறுப்பான சட்ட வைத்திய அதிகாரி கடமையின் நிமித்தம் கொழும்புக்கு சென்றமையால் அகழ்வு பணிகள் இடைநிறுத்தப்பட்டன.

இந்நிலையில், இன்று (17) மீண்டும் அகழ்வு பணிகள் ஆரம்பிக்கப்பட்டன.

குறித்த புதைகுழியில் இருந்து இதுவரை 21 சிறுவர்களின் எலும்புக்கூடுகள்  உட்பட மொத்தம் 276 முழுமனித எலும்புக்கூடுகள் மீட்கப்பட்டுள்ளமை குறிப்பிடத்தக்கது.