மன்னாகண்டல் காட்டுப்பகுதியில் கைக்குண்டுகள் மீட்பு

-செ.கீதாஞ்சன்

புதுக்குடியிருப்பு - ஒட்டுசுட்டான் வீதி, மன்னாகண்டல் காட்டுப் பகுதியில்  இருந்து, 18 கைக்குண்டுகள் சிறப்பு அதிரடிப்படையினரால் மீட்கப்பட்டுள்ளன.

இவ்வாறு மீட்கப்பட்ட கைக்குண்டுகள், போர் காலத்தில் நிலத்துக்குள் புதைத்து வைக்கப்பட்டிருந்தவையென, விசாரணைகளில் இருந்து தெரியவந்துள்ளது.

ஜனவரி 29ஆம் திகதியன்று, கிடைக்கப்பெற்ற தகவலையடுத்து ஸ்தலத்துக்கு விரைந்த சிறப்பு அதிரடிப்படையினர்,  குறித்த கைக்குண்டுகளை மீட்டுள்ளனர்.

மீட்கப்பட்ட கைக்குண்டுகள் அனைத்தும், கிளிநொச்சி சிறப்பு அதிரடிப்படையிரின் குண்டு செயலிழக்கும் பிரிவிடம் கையளிக்கப்பட்டமை குறிப்பிடத்தக்கது.