மன்னார் மாவட்டத்தில் கரையோரப் பகுதிகள் தூய்மைப்படுத்தல்

-எஸ்.றொசேரியன் லெம்பேட்

இராணுவ தளபதியின் பணிப்புரைக்கு அமைவாக இன்று (29) முன்னெடுக்கப்பட்ட  கரையோரப் பிரதேசங்கள் தூய்மைப்படுத்தும் நடவடிக்கைகள்,மன்னார் மாவட்டத்தில் உள்ள கரையோரப் பிரதேசங்களிலும் முன்னைடுக்கப்பட்டன.

மன்னார் மாவட்ட இராணுவத்தின் 54ஆவது படைப்பிரிவின் ஏற்பாட்டில், 54ஆவது படைப்பிரிவு அதிகாரி பிரிகேடியர் சுபசன வெளிகல தலைமையில் இன்றுக் காலை 6 மணியளவில், குறித்த நடவடிக்கைகள் முன்னெடுக்கப்பட்டன.

மன்னார் - தலைமன்னார் பிரதான வீதி, ஓலைத்தொடுவாய் கடற்கரை பகுதியில், குறித்த தூய்மையாக்கும் நடவடிக்கைகள் ஆரம்பித்து வைக்கப்பட்டன.

இதன்போது, மன்னார் மாவட்டத்தில் உள்ள 220 கிலோ மீற்றர் கடற்கரை பிரதேசங்கள், இராணுவத்தினரால் தூய்மைப்படுத்தப்பட்டன.