மரம் முறிந்து விழுந்து தற்காலிக வீடு சேதம்

முல்லைத்தீவு புதுக்குடியிருப்பு பகுதியில் நேற்று (09) மாலை வீசிய கடும் காற்றினால் திம்பிலிக் கிராமத்தில் வசிக்கும் முருகன் தம்பிராசா என்பவரின் தற்காலிக வீட்டின் மீது காட்டுமரம் முறிந்து வீழ்ந்துள்ளது.

இந்த சம்பவத்தில் குறித்த வீடு முற்றாக பாதிக்கப்பட்டுள்ளதுடன் வீட்டிலிருந்தவர்கள் காயங்களின்றி தப்பித்தனர்.

வயது முதிர்ந்த தந்தையுடன் மகள் மட்டும் வசித்துவரும் குறித்த குடும்பம் மிகவும் வறிய நிலையில் உள்ளதால் வீட்டினை திருத்திக் கொடுக்க யாராவது முன்வருமாறு கோரிக்கை விடுத்துள்ளனர்.