மீட்கப்பட்ட வெடிபொருள்கள் செயலிழக்கப்பட்டன

-சண்முகம் தவசீலன்

முல்லைத்தீவு – அம்பலவன், பொக்கணைப் பகுதியில் மீட்கப்பட்ட வெடிப்பொருள்களை நேற்று (19) தகர்த்து அழித்துள்ளதாக, முல்லைத்தீவு மாவட்ட சிறப்பு அதிரடிப்படையினர் தெரிவித்தனர்.

பொக்கணைப் பகுதியில், சனிக்கிழமை (17) வீடொன்றை நிர்மாணிப்பதற்காக, அத்திபாரம் வெட்டும் போது, ஒரு தொகுதி வெடிபொருள்கள் கண்டெடுக்கப்பட்டன.

இதையடுத்து, முல்லைத்தீவு நீதிமன்றம் அனுமதியுடன், அப்பகுதியில் தேடுதல் நடத்திய முல்லைத்தீவு மாவட்ட சிறப்பு அதிரடிப்படையினர், அங்கிருந்து துருப்பிடித்த நிலையிலான டி.56 துப்பாக்கி, ஆகாஸ் கைக்குண்டு, தமிழன் குண்டு ஆகியவற்றை மீட்டனர்.

இவ்வாறு கைப்பற்றப்பட்ட வெடிப்பொருள்கள் அனைத்தும், நேற்று (19) தகர்த்து அழிக்கப்பட்டன.