‘முதல் ஊசியை இங்கு ஏற்றவும்’

-நடராசா கிருஸ்ணகுமார்

கிளிநொச்சி மாவட்டத்தில் நாய்க்கடிக்கு உள்ளாவோர், முதலாவது ஊசியை, பரிசோதனைகளுடன் கிளிநொச்சி பொது வைத்தியசாலையிலேயே ஏற்றிக்கொள்ள வேண்டுமென, கிளிநொச்சிப் பிராந்திய சுகாதாரப் பணிப்பாளர் எஸ்.குமாரவேல் தெரிவித்துள்ளார்.

நாய்க்கடிக்கு உள்ளாவோர், பிரதேச வைத்தியசாலைகளில் முதலாவது ஊசியை ஏற்றிக்கொள்ள முடியாது. காரணம், கிளிநொச்சி பொது வைத்தியசாலையில் தான், பரிசோதனைகளுடன் கூடிய முதலாவது ஊசியை ஏற்றிக்கொள்ள முடியும்.

இரண்டாவது ஊசியை, கிளிநொச்சிப் பொது வைத்தியசாலை வைத்தியர்களின் ஆலோசனைகளுடன், பிரதேச வைத்தியசாலைகளில் ஏற்றிக்கொள்ள முடியுமென, அவர் மேலும் தெரிவித்தார்.