’மேலுமொரு சிகிச்சை நிலையத்தை அமைக்க ஏற்பாடு’

-எஸ்.றொசேரியன் லெம்பேட்

இன்னும் 400 கட்டில்கள் போடக் கூடிய வகையில்  மேலும் ஒரு சிகிச்சை நிலையத்தை; ஒழுங்குப்படுத்திக் கொண்டு இருப்பதாகத் தெரிவித்த மன்னார் மாவட்டச் செயலாளர்; திருமதி ஏ.ஸ்ரான்லி டி மெல், இன்னும் இரண்டு வாரங்களில் அந்தப்; புதிய சிகிச்சை நிலையத்தையும் செயற்படுத்தப்பட கூடியதாக இருக்குமென்றும் கூறினார்.

இது தொடர்பில் தொடர்ந்துரைத்த அவர், மன்னார் மாவட்டத்தில், தற்போது பெண்களுக்கான கொரோனா சிகிச்சை நிலையம் ஆரம்பிக்கப்பட்டு, சிகிச்சை வழங்கப்பட்டு வருவதாகவும் இந்நிலையில், மேலும் 400 கட்டில்கள் போடக்கூடிய வகையில் கொரோனா சிகிச்சை நிலையமொன்றை ஆரம்பிப்பதற்கான நடவடிக்கைகள் சுகாதார துறையினருடன் இணைந்து மேற்கொள்ளப்பட்டு வருவதாவும் தெரிவித்தார்.

அத்தியாவசிய பொருட்கள், அத்தியாவசிய தேவைகளை பூர்த்தி செய்வதில் மக்களுக்கு எந்தவித பிரச்சினையும் ஏற்படவில்லையெனத் தெரிவித்த அவர்,  ஒவ்வொரு கிராமங்களிலும்  நடமாடும் சேவையின் மூலம் மக்களுக்கான அத்தியாவசிய சேவைகளை வழங்குவதற்கான ஏற்பாடுகளை முன்னெடுத்துள்ளதாகவும் கூறினார்.