வீடு புகுந்து வாள்வெட்டு; பெண் உட்பட ஐவர் படுகாயம்

-க. அகரன்

வவுனியா - மகாறம்பைக்குளம் பகுதியில் உள்ள வீடொன்றுக்குள் அத்துமீறி நுழைந்த இனந்தெரியாத குழுவொன்று, அங்கிருந்தவர்கள் மீது வாள்வெட்டு மேற்கொண்டுவிட்டுத் தப்பிச்சென்றுள்ளது.

இச்சம்பவத்தில், பெண் ஒருவர் உட்பட 5 பேர் படுகாயங்களுக்குள்ளான நிலையில், வவுனியா வைத்தியசாலையில் அனுமதிக்கப்பட்டுள்ளனர்.

இச்நத் சம்பவம், நேற்று (14) இரவு 7.30 மணியளவில் இடம்பெற்றுள்ளது.

இவ்வாறு வீட்டுக்குள் நுழைந்தவர்கள், வீட்டில் நிறுத்திவைக்கப்பட்டிருந்த மோட்டார் சைக்கிள்களையும் சேதப்படுத்தியுள்ளனரெத் தெரிவித்த வவுனியா பொலிஸார், சந்தேகத்தின் பேரில் இருவரைக் கைதுசெய்துள்ளதாகவும் கூறினர்.