இரண்டு கிலோகிராம் கஞ்சாவுடன் ஒருவர் கைது

-சுப்பிரமணியம் பாஸ்கரன்

கிளிநொச்சி, பாரதிபுரம் பகுதியில் 2 கிலோகிராம் கஞ்சாவுடன் சந்தேகநபர் ஒருவர், விசேட போதைப்பொருள் தடுப்புப் பிரிவு பொலிஸாரால் ஞாயிற்றுக்கிழமை (12) மாலை கைது செய்யப்பட்டுள்ளதாக கிளிநொச்சி பொலிஸார் தெரிவித்தனர்.

போதைப்பொருள் தடுப்புப் பிரிவு பொலிஸாருக்கு கிடைத்த இரகசிய தகவலின் அடிப்படையில் பாரதிபுரத்திலுள்ள வீடொன்றில் இருந்து 2 கிலோகிராம் கஞ்சாவை பொலிஸார் கைப்பற்றினர். அந்தக் கஞ்சாவை மறைத்து வைத்திருந்திருந்த சந்தேகநபர், அங்குள்ள மைதானம் ஒன்றில் விளையாடிக்கொண்டிருந்த போது கைது செய்யப்பட்டார்.

கைது செய்யப்பட்டவர் யாழ்;ப்பாணத்துக்கு கொண்டு செல்லப்பட்டுள்ளதாகவும் விசாரணைகள் முடிவடைந்த பின்னர் கிளிநொச்சி நீதிமன்றத்தில் ஆஜர்ப்படுத்தப்படுவார் எனவும் கிளிநொச்சி பொலிஸார் கூறினர்.