இரட்டைக் கொலை: 5 சந்தேக நபர்களுக்கும் விளக்கமறியலில்

மன்னார்  நொச்சிக்குளம்  கிராமத்தில்  கடந்த  10  ஆம் திகதி    இடம்பெற்ற வாள் வெட்டுச் சம்பவத்தில்  குடும்பஸ்தர்கள் இருவர்  படுகொலை செய்யப்பட்ட நிலையில் சம்பவத்துடன் தொடர்புடைய   சந்தேக நபர்களில் 5 பேர் நேற்று  (18) காலை மன்னார் பொலிஸ் நிலையத்தில் சரணடைந்துள்ளனர்.

சரணடைந்த குறித்த 5 சந்தேக நபர் களையும் எதிர்வரும் 24 ஆம் திகதி வரை விளக்கமறியலில் வைக்குமாறு மன்னார் நீதவான்  உத்தரவிட்டுள்ளார்.

கடந்த வெள்ளிக்கிழமை 10 ஆம் திகதி  காலை  மன்னார் நொச்சிக்குளம் கிராமத்தில் நிகழ்ந்த வாள்வெட்டு சம்பவத்தில் இரண்டு குடும்பஸ்தர்கள் கொல்லப்பட்டதுடன்  இருவர் படுகாயமடைந்தனர்.

குறித்த சம்பவத்தில் 40 வயதுடைய  யேசுதாசன் ரோமியோ மற்றும் 33 வயதுடைய யேசுதாசன் தேவதாஸ் என்ற  சகோதரர்கள்  இருவரே படுகொலை செய்யப்பட்டுள்ளனர். (a)