காரும் மோட்டார் சைக்கிளும் மோதி விபத்து

கோப்பாய் பொலிஸ் பிரிவிற்குட்பட்ட பலாலி வீதி, உரும்பிராய் கற்பக பிள்ளையார் ஆலயத்திற்கு அருகாமையில் செவ்வாய்க்கிழமை (09) அன்று காலை விபத்து ஒன்று இடம்பெற்றுள்ளது.

மோட்டார் சைக்கிளும், காரும் நேருக்குநேர் மோதியதிலேயே விபத்து சம்பவித்துள்ளது. இதன்போது மோட்டார் சைக்கிள் மற்றும் கார் என்பன பகுதியளவில் சேதமடைந்ததுடன் மோட்டார் சைக்கிளில் சென்றவர் சிறிய காயங்களுடன் உயிர் தப்பியுள்ளார்.

விபத்து தொடர்பான மேலதிக விசாரணைகளை கோப்பாய் பொலிஸார் மேற்கொண்டு வருகின்றனர்.