சமிக்ஞையை மீறிய டிப்பர் மீது துப்பாக்கிச்சூடு

கிளிநொச்சி - தர்மபுரம் பொலிஸ் பிரிவுக்குட்பட்ட கல்லாறுப் பகுதியில் பொலிஸாரின் சமிக்ஞையை மீறி சட்டவிரோதமாக அனுமதிப்பத்திரம் இன்றி மணல் ஏற்றி பயணித்த டிப்பர் மீது திங்கட்கிழமை (07) துப்பாக்கிச் சூடு மேற்கொள்ளப்பட்டுள்ளது.

குறித்த டிப்பர் வாகனத்தை புளியம்பொக்கனை சந்தியில் வைத்து பொலிஸார் மறித்து சோதனை செய்ய முற்பட்டுள்ளதுடன் பொலிஸாரின் சமிக்ஞையை மீறி சென்ற டிப்பர் மீது பொலிஸார் துப்பாக்கி பிரயோகம் மேற்கொண்டதையடுத்து டிப்பர் வாகனத்தை விட்டு சாரதி தப்பியோடியுள்ளார்.

மணல் மற்றும் டிப்பர் வாகனத்தை மீட்ட பொலிஸார் சாரதியை தேடி வருகின்றனர்.