ரி 56 ரக துப்பாக்கி கைப்பற்றப்பட்டது

யாழ்ப்பாணம்- குருநகர் கடற்கரைப் பகுதியில்  ரி 56 ரக துப்பாக்கியொன்று பொலிஸாரால் கைப்பற்றப்பட்டுள்ளது.

யாழ்ப்பாணம் மாவட்டகுற்றத் தடுப்புப் பிரிவுபொலிஸாருக்கு கிடைத்த இரகசியதகவலுக்கமைய நடத்தப்பட்ட சோதனையில் ​செவ்வாய்க்கிழமை (15) அன்று இந்த ஆயுதம் மீட்கப்பட்டுள்ளது.

கைப்பற்றப்பட்ட துப்பாக்கி பாவிக்க கூடிய நிலையில் இருப்பதாக பொலிஸ் தகவல்கள் தெரிவிக்கின்றன. சம்பவம் தொடர்பாக விசாரணைகளை ஆரம்பித்துள்ள யாழ்ப்பாணம் பொலிஸார் அடுத்த கட்ட நடவடிக்கைகளுக்காக கைப்பற்றப்பட்ட  துப்பாக்கியை யாழ்ப்பாணம் நீதிவான் நீதிமன்றத்தில் ஆஜர்ப்படுத்த நடவடிக்கை எடுத்துள்ளனர்.

நிதர்சன் வினோத்