ஐ.ம.சக்தி அமைப்பாளர் நியமனம்...

 ஏ.எச்.ஏ. ஹுஸைன்

ஐக்கிய மக்கள் சக்தியின் மட்டக்களப்பு மாவட்ட அமைப்பாளராக முன்னாள் அதிபரான பிரான்சிஸ் மகேந்திரன் நியமிக்கப்பட்டுள்ளார்.

ஐக்கிய மக்கள் சக்தி கட்சியின் முகாமைத்துவ குழுவின் பரிந்துரையின் பேரில் கட்சியின் செயற்குழுவின் அங்கீகாரத்துடன் இந்த நியமனம் வழங்கப்பட்டுள்ளது.

எதிர்க்கட்சி அலுவலகத்தில் வைத்து நேற்று ஞாயிற்றுக்கிழமை (5) இவருக்கான நியமனக்கடிதத்தை எதிர்க்கட்சித் தலைவரும், கட்சியின் தலைவருமான சஜித் பிரேமதாஸ வினால் இந்நியமனம் வழங்கி வைக்கப்பட்டுள்ளது.

இதன்போது, கட்சியின் பொதுச் செயலாளர் மத்தும பண்டார உள்ளிட்ட கட்சியின் முக்கியஸ்தர்களும் கலந்துகொண்டிருந்தனர்.

கடந்த காலங்களில் ஐக்கிய மக்கள் சக்தி கட்சிக்காக இவர் செயற்பட்டவர் என்பதும், கடந்த பாராளுமன்ற தேர்தலில் இவர் ஐக்கிய மக்கள் சக்தி கட்சியின் சார்பில் மட்டக்களப்பு மாவட்டத்தில் போட்டியிட்டவர் என்பதும் குறிப்பிடத்தக்கது.