கைதிகளுக்கு தடுப்பூசிகள் செலுத்தப்படுமா?

சிறைச்சாலையில் உள்ள கைதிகளுக்கு தடுப்பூசிகளை வழங்குவதற்கு இதுவரையில் எவ்விதமானத் தீர்மானங்களும் மேற்கொள்ளப்படவில்லை என இராஜாங்க அமைச்சர் லொஹான் ரத்வத்த தெரிவித்துள்ளார்.

அனைத்துக் கைதிகளுக்கும் கொரோனா வைரஸ் பரிசோதனைகள் மேற்கொள்ளப்பட்டு, தனிமைப்படுத்துவதற்கு நடவடிக்கை எடுக்கப்பட்டுள்ளதாகவும் தெரிவித்த அவர், சிறைச்சாலைகளில் உள்ள கைதிகளில் பாரியளவானோருக்குக் கொரோனா வைரஸ் தொற்றுக்கு உள்ளாகியிருந்தபோதிலும், இதுவரையில் தொற்றுக்குள்ளாகி எவரும் உயிரிழக்கவில்லை என்றார்.

நாட்டிலுள்ள அனைத்து சிறைச்சாலைகளின் அதிகாரிகளுக்கும் இரண்டு தடுப்பூசிகளும் செலுத்தப்பட்டுள்ளதாகவும் அவர் மேலும் தெரிவித்துள்ளதோடு, சிறைச்சாலைகளில் கொரோனா வைரஸ் கட்டுப்படுத்தப்பட்டுள்ளதாகவும் கூறினார்.