காரைதீவில் நடமாடும் வைத்திய முகாம்

(எம்.ஐ.எம்.அஸ்ஹர்)

காரைதீவு விளையாட்டுக் கழகமும் விபுலானந்தா சனசமூக நிலையமும் இணைந்து செரண்டிப் நிறுவனத்தின் அனுசரணையுடன் நடமாடும் இரத்ததானம் மற்றும் வைத்திய முகாமொன்று காரைதீவு விபுலானந்த சனசமூக நிலைய கட்டிடத்தில் நடத்தப்பட்டது.

டாக்டர் சிறாஜ் மற்றும் டாக்டர் பி.சுரேஸ்குமார் ஆகியோர் சிகிச்சைகளை நடத்தினார்கள். பொது மக்கள் அதிகளவில் ஆர்வத்துடன் இவ்வைத்திய முகாமில் பங்கேற்றதுடன் கல்முனை வடக்கு ஆதார வைத்தியசாலையின் தேவைக்காக இரத்த தானமும் செய்தனர்.