முல்லைத்தீவில் வெடிபொருள்கள் மீட்பு

-செ. கீதாஞ்சன்

முல்லைத்தீவின் இருவேறு இடங்களில் இருந்து, நேற்று (12)  வெடிபொருள்கள் மீட்கப்பட்டுள்ளன.

அளம்பில் பகுதியில் உள்ள தனியார் ஒருவரின் காணி ஒன்றில் இருந்து, துப்பாக்கி ரவைகள், கனரக துப்பாக்கி ரவைகள், எறிகணைகள் என்பன  மீட்கப்பட்டுள்ளன.

மீட்கப்பட்ட வெடிபொருள்கள் தொடர்பில்,  நீதிமன்றில் அறிக்கை சமர்பிக்கவுள்ளதாக முல்லைத்தீவு பொலிஸார் தெரிவித்துள்ளனர்.

இதேவேளை முள்ளியவளை - கேப்பாபிலவு பகுதியில் உள்ள தனியார் காணி ஒன்றில் இருந்து மிதிவெடி ஒன்று மீட்கப்பட்டுள்ளது.